Në mediat rozë raportohet se Princi Harry i prezantoi Spotify një koncept podcast, në të cilin donte të intervistonte njerëz si Vladimir Putin, Donald Trump dhe Mark Zuckerberg për traumat e tyre të fëmijërisë. Ideja e Dukës së Sussex-it i la drejtuesit në mëdyshje, thanë burimet për ‘Page Six’.
Harry, thuhet se propozoi gjithashtu intervistimin e Papës Françesku rreth fesë. Mirëpo idetë e Harry-t nuk i erdhën mirë Spotify, duke pasur parasysh që njerëz si Putin, dhe Zuckerberg, rrallë japin intervista për jetën e tyre personale. Asnjë nga idetë nuk u ekzekutua si një podcast për Dukën, pavarësisht marrëveshjes së tij dhe gruas së tij Meghan Markle me Spotify, me vlerë 20 milionë dollarë.
Javën e kaluar, The Post raportoi se Harry dhe Dukesha e Sussex i dhanë fund marrëveshjes me gjigantin e transmetimit.
Një burim konfirmoi se podkasti i Markle, “Archetypes”, nuk do të ketë një sezon të dytë, pavarësisht nga kryesimi i top-listave vitin e kaluar, duke shtuar se çifti nuk prodhoi përmbajtje të mjaftueshme për të marrë pagesën e tyre të plotë prej shumë milionë dollarësh.
Spotify dhe Archewell Audio thanë në një deklaratë të përbashkët në atë kohë se ata “kanë rënë dakord reciprokisht të ndahen dhe janë krenarë për serialin që kemi bërë së bashku”.
Markle, intervistoi Serena Williams, Mariah Carey dhe Paris Hilton në sezonin e parë të emisionit të saj Spotify, i cili përbëhej nga vetëm 12 episode.
