Nuk jeni frekuentuar kurrë, por i dërgoje SMS në orën 08:00 të mëngjesit, sapo hapje sytë dhe pak sekonda para se të të zinte gjumi.
Nuk keni qenë kurrë të dashur, por asaj i ke rrëfyer sekretet e tua. I ke treguar gjëra që s’ja ke thënë askujt tjetër. E ke trajtuar si të ishte një person special për ty. Sikur ajo të të interesonte me të vërtetë.
Nuk keni qenë kurrë të dashur, por e ke mbështetur, llastuar, ju ka zënë gjumi duke folur bashkë. E ke parë në momentet e saj më vunerabël dhe e ke bërë të ndjehet e mbrojtur.
Nuk keni qenë dot kurrë të dashur, por i ke dhënë motiv për të menduar që shumë shpejt ju të dy do të ishit çift.
Nuk keni qenë kurrë të dashur, por sërish e ke lënduar. Dhe minimumi që duhet të bësh është të marrësh përgjegjësitë për atë që ke bërë. Nuk ka rëndësi nëse nuk ndjehesh zyrtarisht “i dashuri” i saj. Gjithësesi ta dish mirë që i ke thyer zemrën.
Kur të dalësh me një vajzë tjetër, mos thuaj që ajo s’ka të drejtë të pyesë ku dhe me kë ishe.
Edhe pse teknikisht nuk ishit të dashur, keni qenë bashkë, keni krijuar një marrëdhënie dhe ajo ra në dashuri me ty.
PËR KËTË ARSYE AJO MERITON NJË SHPJEGIM TË DENJË!
Meriton të jesh transparent dhe i sinqertë.
Meriton të dijë se përse vendose të mbyllje çdo lloj raporti me të. Përse ke vendosur të ecësh para pa të, duke u shtirur që ajo s’është më pjesë e jotja.
Nëse sillesh në këtë mënyrë, dije se ajo do të pyesë veten çdo ditë lidhur me çdo sekondë të kaluar me ty. Do të reflektojë mbi të gjitha bisedat që keni bërë bashkë dhe mbi vlerat dhe kuptimin e tyre.
Do të mendojë që është një budallaçkë që ka besuar se ti e ndjeje. Do ta bësh të mendojë se ishte një marrëdhënie ku vetëm ajo dashuronte. E që gjithçka tjetër ka qenë thjesht pjesë e imagjinatës së saj.
Ndoshta ti mendon se duke mos qenë të dashur zyrtarisht, nuk i detyrohesh asnjë shpjegim.
Gabohesh! Sepse i ke krijuar iluzione dhe e ke trajtuar si të dashurën tënde.
Koherencë!
Bota ka nevojë për më tepër koherencë: Nëse dashuron, mos humb kohë! Nëse nuk dashuron, mos i krijo të tjerëve iluzione! Nëse do të luash, ekziston Playstation-i!
Burimi: Vabbe
