Të martën që lamë pas, moderatori i famshëm italian, Piero Chiambretti dhe nëna e tij e moshuar, Felicita, mbërritën me ambulancë në spitalin Mauriziano në Torino.
Ata kishin rezultuar pozitivë ndaj virusit vdekjeprurës Covid-19. (Lexo këtu)
Megjithatë, askush prej tyre nuk ishte në gjendje të rëndë, ndërsa u izoluan dhe iu nënshtruan mjekimeve të nevojshme.
Mirëpo, pas disa ditësh betejë me virusin, mamaja e moderatorit ka ndërruar jetë.
Ajo s’ka mundur t’i bëjë ballë më gjatë epidemisë dhe ka humbur jetën në moshën 84-vjeçare.
Lajmin e hidhur e dha aktorja e njohur Vladimir Luxuria, nëpërmjet një postimi në Twitter.
“Ngushëllimet e mia më të sinqerta për mamanë e Piero-s, Felicita. Ajo nuk ia doli dot.”-ishin fjalët e saj në postim.
Ndërkohë, moderatori po qëndron ende në spital, në kujdesin e mjekëve.
