Miley Cyrus dhe Liam Hemsworth janë fejuar prej më shumë se një viti, por këngëtarja refuzon ta thërrasë “i fejuari im” aktorin. Dhe ju shpregojmë përse!
Gjatë një intervistë në “Howard Stern”, Cyrus tregoi se partneri i saj kishte luftuar me flakët për të shpëtuar të gjitha kafshët që kishin në shtëpi, gjatë zjarrit në Malibu.
“Pas asaj që bëri, e dua edhe më shumë Liam! Është gjithçka e imja” – u shpreh Miley.
Nga ana tjetër, ajo zbuloi se pas këtij gjesti, ajo e ka pagëzuar Liam me një emër të ri.
“Nuk më pëlqen t’i them i fejuari im. Ai është më shumë se kaq, është partneri im i mbijetesës. Ai mendon se nuk është aspak romantike, por unë e kundërshtoj gjithmonë. Është më shumë sesa romantike, ekzistenciale” –tha këngëtarja Miley Cyrus.
Miley e mbylli intervistën duke thënë se është e bekuar në jetë, pasi Liam është ndër të tjera edhe një super kuzhinier!
