Justin Bieber dhe Hailey Baldwin Bieber u shfaqën për herë të parë bashkë në eventin e MET GALA 2021. Ata tashmë kanë 3 vite që kanë zyrtarizuar lidhjen e tyre, por vetëm pak herë i kemi parë bashkë nëpër tapete të kuq.
Gjithsesi gjërat nuk shkuan siç duhet kur çifti u shfaq në tapet të kuq. Njerzit që ishin mbledhur rreth eventit filluan të bërtisnin “Selena” te çifti Bieber dhe videot po qarkullojnë në rrjet.
Shumicës së komentuesve nëpër videot që qarkullojnë, kjo gjë u duket komplet e pa matur dhe mungesë respekti ndaj çiftit.
Siç mund ta kujtojnë Beliebers-at, në vitin 2018 jeta personale e Justin ishte një lëmsh i madh pasi ai kaloi pjesën e parë të vitit i lidhur me Selenën dhe e përfundoi vitin i fejuar me Hailey.
Fejesa e shpejt, faktikisht nuk ndodhi për të lënduar Selenën, siç u perceptua, po për faktin se Justin dhe Hailey janë kthyer në dy të krishterë praktikant vitet e fundit. Çifti shkon në kishë rregullisht dhe kanë miqësi të ngushta me pastorë dhe familjet e tyre.
Ata nuk donin të kryenin marrëdhënie intime apo të jetonin bashkë pa zyrtarizuar lidhjen dhe këtë gjë e kanë rrëfyer në një intervistë për VOGUE e për këtë arsye ndodhi gjithçka shumë shpejt.
Justin zbulon se ishin bindjet e tij fetare që, përfundimisht e detyruan të hiqte dorë nga ajo gjë e zakonshme, tek e cila 20-vjeçarët janë të interesuar kur lidhen. Këngëtari thotë se, kishte një problem të njohur me seksin dhe kur nisi marrëdhënien e tij me Hailey-n në qershor të 2018-s, kishte prej rreth 1 vit që nuk kryente marrëdhënie seksuale. Po, 1 vit pa seks për Justin!
Dhe kjo do të thotë që, ai nuk ka kryer marrëdhënie seksuale me Selena Gomez kur u ribashkuan, me të cilën i dha fund lidhjes në pranverë.
Feja duket se ka qenë pjesë e miqësisë së Justin dhe Hailey. Ata u takuan në qershor gjatë një meshe në një kishë dhe ishte ai takim që i dha atyre shkëndijën se nuk do të mbesnin vetëm miq.
Justin shpjegon: “Zoti nuk na kërkon që të mos bëjmë seks për të, sepse ai kërkon rregulla. Por sepse ai po përpiqet t’ju mbrojë nga lëndimet dhe dhimbjet. Unë mendoj se seksi mund të shkaktojë shumë dhimbje. Nganjëherë njerëzit kryejnë marrëdhënie seksuale, sepse nuk ndihen mirë. Sepse u mungon vetëvlerësimi. Femrat dhe meshkujt e bëjnë këtë. Ia dedikova veten Zotit, sepse gjendja ime shpirtërore ishte më e mirë. Dhe unë besoj se Zoti më bekoi me Hailey-n. Shpërblehesh për sjelljet e mira”.
Pra, po, dëshira për të kryer marrëdhënie seksuale ishte arsyeja pse ata iu drejtuan gjykatës vetëm pas tre muaj lidhjeje. Por jo e vetmja arsye!
“Kur e pashë qershorin e kaluar, kisha harruar sesa shumë e kam dashur dhe sa më kishte munguar dhe sa ndikim pozitiv kishte në jetën time. E kuptova që kjo ishte ajo që po kërkoja”, tha Justin.
