Performanca e Monikës dhe Donaldit në “Dance With Me”, u shoqërua me shumë surpriza dhe humor në skenën e spektaklit. Fillimisht, aktori i humorit Ronald Veshaj, i cili i shprehu dashurinë e tij kryetares së jurisë, Valbona Selimllari një javë më parë, u ankua se kjo e fundit ndryshoi sjellje.
“Po as më takon, asgjë. Mbarojmë këtu në prova e pastaj ikën në parking te makina” – tha aktori.
“Na duhet pak kohë njohje” – iu përgjigj Valbona Selimllari.
“Epo mirë. Nesër në orën tetë”- tha plot humor Ronald Veshaj.
Të pakënaqur me gjykimin e Robert Aliaj, Alketa i kërkoi që Valbona t’i hiqtë kapelen dhe syzet. Mirëpo Roberti pranoi vetëm nëse ajo do t’ia hiqte me këmbë!
Dhe ish-Missi shqiptar nuk ngurroi aspak, t’i tregonte aftësitë e saj në gjimnastikë.
“I kam akoma aftësitë e mia si në gjimnaz” – tha Valbona Selimllari.
Edhe përse mund ta realizonte me sukses, Robert Aliaj refuzoi në moment të fundit.
