Një shtetase shqiptare në Itali po ndiqet penalisht pasi akuzohet se ka dhunuar bashkëshortin italian.
Mediat italiane shkruajnë se 31-vjeçarja nga Shqipëria ishte e varur nga alkooli dhe dhunonte barbarisht bashkëshortin e saj 45-vjeçar.
Ajo është kapur në flagrancë duke goditur në gjendje të dehur burrin e saj italian dhe është dashur ndërhyrja e karabinierëve italiane që ta ndajnë nga partneri.
Goditjet e saj kishin qenë aq të rënda saqë partneri kishte gjakderdhje nga hundët dhe plagë të rënda në kokë.
Pas ngjarjes burri përfundoi menjëherë në spital dhe më pas e denoncoi gruan në polici. Mediat italiane shkruajnë se arsyeja e sherrit, ishte mosdhënia e çelësave të makinës dhe parave të tjera.
Historia kishte kohë që vazhdonte, ndërsa gruaja kishte një varësi të theksuar ndaj alkoolit, pavarësisht kurave të mëparshme.
Aktualisht shqiptarja ka braktisur shtëpinë e burrit dhe po ndiqet penalisht në gjendje të lirë.
