Ylli i “A Star is Born”, Emma Stone është po pret fëmijën e saj të parë dhe për këtë s’ka më pikë dyshimi.
Lajmet për shtatzëninë e saj qarkulluan në mediat e huaja që në shtator të vitit që lamë pas, ndërsa “Dailymail” ka publikuar së fundmi foto të aktores me barkun e rrumbullakosur, duke konfirmuar kështu zërat.
Gjithashtu, burime për “Us Weekly” bëjnë me dije se Emma Stone është tepër e lumtur për shtatzëninë e saj dhe për faktin që shumë shpejt do të bëhet mama për herë të parë. Ajo i ka vënë synim vetes të jetë sa më aktive dhe të ndihmojë shtatzëninë të shkojë sa më mbarë dhe e lehtë.
Çifti i famshëm e bëri publike fejesën dhjetorin e vitit 2019, përmes një postimi në rrjete sociale, ku Emma tregonte unazën e diamantit. Dyshja kishin menduar të martoheshin që në mars, por i shtynë planet për shkak të pandemisë së koronavirusit. Por në muajin maj, Stone e zëvendësoi unazën e fejesës me një tjetër më të thjeshtë në ngjyrë floriri, diçka që i bëri fansat të dyshonin për martesë.
Shfaqja e çiftit me unaza ishte një provë më tepër, që shtonte dyshimet për një martesë në fshehtësi.
