Pak javë më parë, aktorja Ajsi Xhaxhaj i befasoi të gjithë miqtë e saj me një foto ku shfaqej duke shkëmbyer puthje pasionante me regjisorin Drilon Hoxha. Ata ishin duke xhiruar skenën e puthjes në filmin ku dy artistët janë protagonistë.
“Pjesë e shkëputur nga xhirimet e filmit me metrazh të gjatë ‘Dashuria s’mjafton’”, shkruante Ajsi poshtë fotos, ndërkohë që në media u përfol gjerësisht për një lidhje të mundshme mes dy artistëve nisur edhe nga fakti që ata janë parë vazhdimisht në shoqërinë e njëri-tjetrit .
Mirëpo ditën e sotme Ajsi i ka befasuar të gjithë teksa ka publikuar një foto në Instastory duke u puthur me një mashkull. Nga panorama që shohim, ata ndodhen në Paris dhe duken mëse të dashuruar.
Me këtë foto Ajsi na e ka shtuar akoma më shumë kuriozitetin për të mësuar se kush është mashkulli në krahë të saj, pasi aktorja është kujdesur që t’ia mbulojë fytyrën me një zemër. Megjithatë, duket se identiteti i tij do të mësohet së shpejti, pasi aktorja sapo konfirmoi kështu lidhjen e tyre.
