Aktori i humorit, Bes Kallaku, është mjaft aktiv në rrjetet sociale ku ndan me ndjekësit momente nga përditshmëria e tij.
Ai gjithashtu ndan shpesh foto apo video me partneren e tij Xhensila Myrtezajn dhe vajzën e tyre Ajkën. Por, së fundmi ai i ka dedikuar një postim një njeriu mjaft të veçantë për të, gjyshes së tij.
Krahas një fotoje të saj me kurorë në kokë, Besi shkruan: “Mbretëresha ime e vërtetë.”
Kështu ai ka treguar edhe një herë dashurinë dhe vlerësimin e tij për gjyshen, duke mos harruar dozat e humorit pasi postimi vjen pikërisht pak ditë pas ndarjes nga jeta të Mbretëreshës Elizabeth II.
Gjyshja e Bes Kallakut, e cila është tashmë e famshme me emrin Ija e Besit, është shfaqur shpesh në postimet e tij në rrjetet sociale apo në emisionet ku ai ka qenë i ftuar. Disa muaj më parë, Ija festoi ditëlindjen e saj të 83-të dhe sigurisht nuk mungoi një urim e i veçantë nga Besi.
Ai kishte zgjedhur vargjet e Dritëro Agollit, nga poezia “Shqipëria ime”, të cilat ia përshtuti gjyshes së tij.
“Urime 83-vjetorin, Ija e tgjith shqiptareve! Trendafilja ime.
“Më lër të bie në prehrin tënd të ngrohtë
O hallemadhja ime shekullore!
Të puth duart e tua, më të mirat në botë,
I ngazëllyer të hesht me heshtje foshnjore”, shkroi aktori përbri fotos.
