Nuk është turp që të kesh një shtëpi luksoze nëse ke punuar fort për ta pasur atë. Ky është rasti i moderatores së njohur Amarda Toska dhe prezantuesit Ermal Mamaqi, të cilët, kohët e fundit janë zhvendosur në një vilë të shtrenjtë në një prej zonave më të mira të Tiranës.
E ftuar në emisionin e Rudinës, Ami tha se nuk është turp që të kenë një shtëpi luksoze pasi ajo edhe Ermali kanë punuar fort për këtë gjë.
“Po është e vërtetë. Është në një nga zonat më të mira të Tiranës. Ka shumë personazhe të njohur. Nuk është turp të pranosh që jeton në një vend luksoz sepse ai vend është një investim i kthyer mbrapsht i shumë viteve pune që kemi bërë të dy”, ka rrëfyer ndër të tjera ish-prezantuesja dhe balerina e njohur.
Sipas Newsbomb, ambienti ku ata kanë nisur të jetojnë prej pak kohësh, është shumë modern dhe i vendosur pranë shtëpive të shumë personazheve të tjerë të njohur shqiptarë.
Pasi është hapësira e madhe e shtëpisë dhe çifti ka vetëm një djalë, në bisedë, Ami ka lënë të nënkuptohet se familja e saj do zgjerohet.
