Një fosil i ruajtur shumë mirë sa duket si një statujë u zbulua dje në një muze në Kanada. Fosili 110 milionë-vjeçar nodozaur, i quajtur “tank me katër këmbë” u zbulua nga një minator në një gjendje kaq të rrallë, sa është përshkruar sikur “të kesh fituar lotarinë”.
Ky është fosili i ruajtur më mirë i llojit të tij të gjetur ndonjëherë, sipas raportimeve në “National Geographic”.
Ai u gjet nga Shawn Funk, kur ai po gërmonte në Minierën e Mijëvjeçarit në veri të Albertas, Kanada, më 21 mars 2011. Ai goditi diçka që dukej se ishte jashtë vendit nga shkëmbi rrethues dhe vendosi ta shikonte më nga afër.
Fosili që zbuloi u dërgua në Muzeun Mbretëror Tyrrell të Paleontologjisë. Ata kaluan gjashtë vitet e ardhshme duke punuar për zbulimin e krijesës brenda shtresës së tokës prej 1,100 kg.
Sipas muzeut, është dinozauri më i ruajtur më mirë në botë, duke përfshirë lëkurën dhe zhguallin, si dhe është i kompletuar nga feçka deri te ijët.
U deshën rreth 7,000 orë për ta përgatitur këtë krijesë për hulumtim dhe për ta shfaqur më pas. Zbulohet se si krijesa e lashtë përdorte zhguallin me luspa për të mbrojtur veten.
Paleobiologu Jakob Vinther, nga Universiteti i Bristol, tha: “Krijesa duket sikur ka qenë këtu duke ecur para disa javësh. Nuk kam parë kurrë diçka të tillë”.
Fosili është një specie e re e nodozaur, e cila jetonte përgjatë periudhës Kretake, midis 110 milionë dhe 112 milionë vjet më parë. Krijesat ishin mesatarisht rreth 5 metra dhe peshonin 1.300 kilogramë.
“Ne nuk kemi vetëm një skelet. Ne kemi një dinozaur ashtu siç do të ishte”.
Burimi: Daily Mail
