Nëse qëllimi i saj ishte të niste një debat, mund të themi me bindje që Rihanna ia ka arritur. Me rastin e ditëlindjes së monarkes, ditën e premte, këngëtarja 29-vjeçare postoi 4 fotografi në të cilat, fytyra e mbretëreshës ishte vendosur në trupin e saj.
“Ji i përulur”, ka shkruar bashkangjitur njërës prej fotove Rihanna, ku shihet fytyra e mbretëreshës, në trupin e këngëtares, e cila mban veshur një pallto jeshile.
Por duket se postimet e artistes kanë bërë që fansat të reagojnë keq duke komentuar: “Ki pak respekt dreqin”.
Një tjetër shton: “Është një mënyrë e pasjellshme nga ana jote. Nuk është aspak qesharake. Ajo është gjyshja e dikujt. Imagjino të ishte e jotja”.
Pavarësisht komenteve negative, RiRi nuk ka hequr asnjërën prej fotove.
Burimi: Daily Mail