Raketa më e fuqishme la mbrëmë Tokën, pasi nisi me sukses misionin e Apollo-s nga Florida.
Raketa “Falcon Heavy”, e zhvilluar nga miliarderi hapësinor i “SpaceX”, Elon Musk, kishte një “pasagjer” të vetëm në bord, një manekin me emrin “Starman”, i cili u nisi për në hapësirë brenda një makine sportive “Tesla”.
Regjistrimi i realizuar nga brenda makinës, shfaq pamje mahnitëse të planetit tonë, ndërsa në sfond luhet kënga e David Bowie, “Life on Mars”.
“Starman”-i do të përshkruajë një udhëtim prej 250 milionë kilometrash në orbitën e Marsit, pasi u nda nga raketa “Falcon Heavy” menjëherë pas nisjes dhe kaloi objektivin e parashikuar.
Por Musk ka pranuar se, pritet që të shkojë më tej në sistemin diellor, sesa ishte planifikuar. Trajektorja e re është një udhëtim në rripin asteroid midis Marsit dhe Jupiterit.
Pavarësisht nga dështimi i “Starman”, për të arritur planetin e kuq, Musk ka thënë se misioni ishte një sukses, sepse do të entuziasmojë njerëzit kudo nëpër botë.
Miliarderi ka thënë më parë se ishte “jashtëzakonisht e pamundur”, që makina të arrinte në Mars.
Rrezatimi kozmik gradualisht do të shkëpusë makinën përtej miliona vjetëve, ndërsa sediljet lëkure dhe plastika pritet që të bien në vjeshtën e vitit të ardhshëm, që mjeti të shmangë goditjet me meteorët.
Video që është publikuar, tregon makinën sportive të kuqe, ndërsa në sfond shikohet Toka, ndërsa mjetit i është shkëputur pjesa mbrojtëse në pjesën e sipërme.
Në ekranin e makinës shkruhet “Mos të kapë paniku”, një referencë nga libri “The Hitchhiker’s Guide to the Galaxy”.
“Është një budallallëk dhe argëtuese, por mendoj se gjërat e tilla dhe argëtuese janë të rëndësishme. Imazhet e kësaj janë diçka që do t’i bëjnë njerëzit të ngazëllehen në mbarë botën”, tha Musk, i cili është CEO i “SpaceX” dhe firmës së makinave elektrike “Tesla”.
Burimi: Daily Mail
