Ato janë dy nga emrat më të mëdhenj të pasarelave të momentit. Këtë e vërtetoi drejtori krijues i Chanel, Karl Lagerfeld, i cili zgjodhi Kendall Jenner dhe Bella Hadid për të udhëhequr koleksionin magjepsës Couture Pranverë/ Verë 2017 gjatë Javës së Modës në Paris, të mërkurën.
Kendall, 21 vjeç, dhe Bella, 20 vjeç, pushtuan pasarelën në Grand Palais së bashku me yllin e shfaqjes, vajzën e aktorit Johny Depp, Lily-Rose.
Kendall kishte veshur një fustan të mrekullueshëm të inspiruar nga viti 1920, që dukej sikur ishte bërë nga argjendi dhe të verbonte nga hijeshia.
Ai ishte i qëndisur me temina në ngjyrë argjendi dhe në bel kishte një rrip metalik. Fustani bëhej edhe më interesant në pjesën e pendëve te gjuri dhe tylin transparent në pjesën e këmbëve.
Bella nga ana tjetër mbante veshur një fustan të zi tipik i shtëpisë franceze të modës, me çizmet që kombinonin me fustanin dhe shkëlqenin nga kristalet. Detaji më i veçantë ishte pjesa e pelerinës që lëshohej nga beli ku ishte vendosur një rrip i zi.
Muza më e re e Karl Lagerfeld ishte Lily Rose Depp, e cila mbante veshur një nga krijimet më të mrekullueshme të dizajnuesit, një fustan princeshash rozë që normalisht kërkonte një princ pranë dhe rolin e tij e luajti vetë Karl, kur shoqëroi modelen 17-vjeçare e cila dukej shumë e emocionuar.
