Ish-banorja e ‘Big Brother’ e njëkohësisht opinionistja në ‘Përputhen’, Neda Balluku ka zbuluar se faktin që do bëhej nënë sërish nuk e mori me frikë. Në “Ftesë në 5” Neda tregoi se ajo dëshironte të kishte edhe një fëmijë të tretë duke bërë një analizë që rendiste disa arsye.
Një prej tyre kishte të bënte me përgjegjësitë brenda familjes, duke shtuar se ndahen me bashkëshortin, i cili kalon edhe kohë me fëmijët.
“Një nga faktorët ishte bashkë ndarja e përgjegjësive nga të dyja palët. Ne kemi në kulturën tonë që barrën më të madhe pas lindjes së një fëmijë e ka nëna, ndërsa sot gjërat po ndryshojnë. Ne si brez duhet të edukojmë djemtë që të bashkëndajnë punët me partneren. Një nga arsyet pse unë e kisha shumë ‘okay’ pjesën për t’u bërë nënë për herë të tretë është se në familjen time të vogël, punët e koha e dedikimit ndaj fëmijëve ndahen me partnerin tim”, tregoi ajo.
