Më në fund, Elvana Gjata ka thyer heshtjen dhe ka folur për herë të parë pasi zhduki të gjitha gjurmët nga rrjetet sociale.
Pas vrasjes në ish-Bllok, ku u përfshi i fejuari i saj, këngëtarja u largua jo vetëm nga Shqipëria por edhe nga Instagrami, duke i zhgënjyer fansat e saj.
Por Elvana është rikthyer tashmë në Instagram, me një foto të re ku shfaqet në një studio muzikore. Përmes këtij postimi ajo sqaron se nuk e ka aspak të letë rikthimin, por u detyrohet fansave një sqarim, dhe të gjithë atyre që e kanë pyetur për shëndetin.
Elvana falenderon të gjithë miqtë e saj që e kanë mbështetur dhe nuk e kanë braktisur kurrë, ndërsa rikthimin ua dedikon atyre, fansave të saj!
“Nuk e kam aspak të lehtë këtë moment, por e kuptoj që më duhet ti them dy fjalë, pasi u detyrohem shumë të’gjithë atyre që çdo ditë më kanë shkruar duke me pyetur për shëndetin, e duke më ofruar mbështetjen e tyre… kolegë, miq, të afërm, dhe sigurisht ata që kurrë nuk me kanë braktisur e kurrë nuk kanë reshtur me dashurinë e tyre ndaj meje dhe muzikës time, fansat e mi”.
Po… kam kaluar një periudhë shumë të vështirë… fizikisht dhe moralisht… e dërrmuar dhe e vrarë nga fjalë, fjalë, fjalë… edhe më shumë se sa unë në kete moment mund të shpreh me fjalë…
Kurrë në jetën time si kam dashur keq askujt…ajo qe kam dashur gjithmone është te shoh veç lumturi, kudo ku kemi qenë bashkë, në çdo koncert e cdo video qe ju keni publikuar me këngët e mia.
Nuk e kam aspak te lehte, por ju kam ju… e do vazhdoj te bej ate per te cilen me keni dhuruar kaq shume dashuri ne me shume se 10 vjet e pa të cilën nuk di a mund të jetoj…”
Me një foto ku shfaqet e veshur me të zeza dhe më elegante nga hera e fundit që e kemi parë, Elvana tregon se është duke punuar për një projekt të ri.
Projeti i veçantë që pritet të rikthejë Elvana Gjatën është filmi i saj me Ermal Mamaqin, “2 gisht mjaltë” premiera e të cilit është përfolur se do të jepet në ditën e të dashuruarve, 14 shkurt.
