T’i bësh pyetjen më të rëndësishme personit tuaj të zemrës është një nga situatat më të sikletshme edhe për partnerin më me vetëbesim.
Ndërsa emocionet e vajzës që merr propozimin janë romantike dhe të gëzueshme, ato të iniciatorit të propozimit përfshijnë ankth dhe shqetësim, më së shumti të ndjekur nga euforia në momentin kur thuhet fjala “Po”.
Nëse keni pyetur veten ndonjëherë për një mori mendimesh që qarkullojnë në kokën e të dashurit tuaj në momentin e propozimit, lexojeni këtu (sa për kulturë).
1.”A e kam me vete unazën? Mund ta kem harruar në xhepin e xhaketës”.
2.”A do t’i pëlqejë unaza? Mund të jem duke imagjinuar, por sikur më dukej më e madhe në dyqan…”.
3.”Unaza është e gabuar. Ajo do të thotë “Jo”. A do të vinte re nëse do ta shtyja propozimin për të gjetur një më të mirë?”.
4.”Harroje unazën. Nëse nuk i propozoj tani, do të humbas toruan”.
5.”Pse nuk e kam shkruar fjalimin në kartolinë? Po harroj çdo gjë që do të thosha”.
6.”Shanset për një “Jo” janë të vogla, apo jo? Pritja për përgjigjen e saj duket e pafund. Nuk kam qenë kaq nervoz që kur i kërkova që të dilnin herën e parë”.
7.”Nëse ajo thotë po, ne do të fejohemi për t’u martuar. A do të thotë kjo që po bëhem një i rritur i pjekur?”
8.“Shpresoj se ajo të ndihet njësoj si unë për të”.
9.”Janë lot gëzimi apo tmerri?”
10.”A mos kam mbledhur pak njerëz? Ka më shumë dëshmitarë se sa kam parashikuar. Shpresoj që dikush të sjellë kamerën”.
11.”Ajo nuk mund të dukej më e bukur. A ia përmenda këtë gjatë fjalimit? Ndoshta duhet ta lë këtë koment për një momentin e duhur”.
12.”Më në fund e kuptoj atë që këndon Stevie Wonder. Sa do të doja ta kishte shkruar ai propozimin tim”.
13.”Ajo tha “po”! Haleluja”.
Burimi: Brides
