Ilir Shaqiri dhe Emanuela u martuan ditën e shtunë në një dasmë që u komentua shumë gjatë në fakt. Disa personazhe të “BBV” ishin të ftuar ku përmendim: Arjola Demiri, Arbër Sulstarova, Sheila Haxhiraj, Valon Shehu, Ardit Cuni, Meridian Ramçaj.
Gjithashtu të pranishëm ishin Arbana Osmani dhe partneri i saj, si dhe Ermal Mamaqi i cili së bashku me Amin kryen edhe dekorin.
Mirëpo, sot në mëngjes familja e Ilir Shaqirit ishte e ftuar në programin “Wake Up”. Ata folën dhe komentuan gjatë detaje nga dasma.
Mirëpo, balerini ia kishte mbajtur sekret vajzës dhe gruas së tij këtë organizim që po bënte së bashku me Amin dhe Ermalin.
Nga ana tjetër, Emanuela zbulon ‘gënjeshtrën’ që i tha Iliri. Ai i pati thënë që në Tiranë do të kishte një festë duke mos i treguar për dasmën.
“Më ka habitur dhe mua. Në të vërtetë më tha se në Tiranë do ketë një festë e televizionit shqiptar dhe ne do ishim përfaqësues. Çdo stilist ka përfaqësues të vet, e ne duke qenë miq me Amin dhe Ermalin. Ja pse unë erdha e veshur si nuse, se mendoja se isha përfaqësuese. Prandaj nuk dyshova fare”, tregon Emanuela në programin e mëngjesit “Wake Up”.
