Pas disa muajsh nga kënga e saj e fundit Dhurata Dora është rikthyer me një super hit dhe ndryshe nga trendi i kësaj vere, që janë bashkëpunimet, këngëtarja ka zgjedhur të vijë me një solo.
“Ferrari” titullohet kënga që pritet të bëjë namin këtë verë, teksa Dhurata shfaqet në rolin e një vajze që i ka dhënë duart ish-të dashurit, i cili duket të ketë bërë lojëra me të.
Ohhhh pse, me mu nuk u bone real ti asiher, jo asiher! Me ty nuk foli jo be lali, My honey ami dy ferrari, Me kon i jemi don a honey, Ta merr menja ani ani”- thuhet mes rreshtave të këngës.
Nuk e dimë nëse fabula e këngës lidhet me jetën personale të këngëtares, por duket se fansat e kanë mirëpritur dhe deri tani, 1 orë pas publikimit, numëron dhjetëra mijëra klikime.
Këngën e fundit artistja e ka publikuar në muajin shkurt në bashkëpunim me KMN Azet.
