Eh, po. Elvana Gjata vendosi të vërë sot në qendër të vëmendjes këmbët e saj duke realizuar me to një videoklip.
Videoklip i cili u xhirua në një limuzinë, por kjo është një bisedë krejt tjetër.
Elvana Gjata u frymëzua nga kënga “Lovely” e Billie Eilish me Khalid për të xhiruar këmbët e saj duke interpretuar këngën me po aq emocion sa Elvana këngët e saj… (a është etike ta krahasosh dikë me këmbët e veta?!)
Sidoqoftë, në fund të videos ato i bien edhe violinës sipas këngës…
Gjithashtu, vihet re se Elvana Gjata ka tek gishtat e këmbëve të saj një detaj të veçantë, që është gishti i dytë më i gjatë sesa i madhi.
Sipas ekspertëve të leximit të gjymtyrëve (besojeni ose jo ka edhe të tillë), si edhe sipas gojëdhënave të gjyshërve tane, ky tipar është dallues i një personaliteti aktiv, krijues dhe sportiv, ndërsa mund të jetë një person shumë motivues edhe për të tjerët që ka përreth.
Nga ana tjetër, “këmba greke” siç njihet ndryshe, mund të tregojë edhe për një person impulsiv.
