Lori Hoxha ka bërë një bashkëbisedim me ndjekësit e saj në Instagram, ku u është përgjigjur disa pyetjeve për jetën e saj private dhe periudhën e karantinës.
Fashionista e njohur ka treguar gjënë e preferuar të saj në këtë kohë izolimi dhe e dini kush është?
Lorit i pëlqen të gatuajë vetë vaktet e saj gjatë ditës, dhe karantina i ka mundësuar kohë të lirë për të kaluar në kuzhinë.
Ajo tregon se ushqimi i saj i preferuar gjatë karantinës është orizi me perime dhe qitro si dhe quinoa.
Pak ditë më parë, fashionista e njohur shqiptare publikoi një foto të pjatës së saj të preferuar që i kujton të atin e ndjerë. Lori kishte përgatitur një pjatë me spaghetti që ka qenë e preferuara e tyre në drekat dhe darkat buzë detit në Romë.
Ajo ka treguar se babai i saj, Dritan Hoxha, udhëtonte për ta takuar gjatë fundjavës dhe e çonte pranë detit për drekë, për të shijuar pamjen dhe për të ngrënë ushqimin e tyre të preferuar, që ishin pikërisht spaghetti-t me vongole.
