Jo për të ngritur alarmin, por prej mëngjesit njoftuam se Lori Hoxha ishte zhdukur papritur nga Instagrami.
Fashionista e njohur shqiptare u zhduk nga dje pasdite dhe nuk e dimë nëse ky ishte një vendim i saj apo dikush i ka hakuar llogarinë.
Por ajo është rikthyer vetëm pak minuta më parë në Instagram, ku tani mund të gjesh lehtësisht profilin e Lorit me një kërkim të thjeshtë të emrit të saj.
Pas rikthimit, me siguri që fansat e saj prisnin një shpjegim për mungesën disa orëshe në rrjetin social, por Lori ka preferuar të heshtë.
Herën e fundit që ajo publikoi ishte për 14 Shkurt, kur postoi disa foto dhe thënie disi emocionale në këtë datë (shiko këtu).
Në fundjavë, familja Hoxha ka festuar ditëlindjen e vajzës së vogël Redia dhe të gjithë presim foto nga festa!
