Kjo është me të vërtetë java për të bërë një martesë sekrete nëse jeni një personazh i famshëm, sepse vetëm dy ditë pasi u publikuan lajmet për Jennifer Lopez dhe Ben Affleck në Las Vegas, duket se Anya Taylor-Joy është martuar me të dashurin e saj Malcolm McRae.
Burimet tregojnë për ‘Page Six’ se Anya dhe Malcolm e bënë zyrtarizimin gjatë një “martese intime në gjykatë” në SHBA përpara se të ktheheshin në Australi, në mënyrë që Anya të mund të filmonte projektin e saj ‘Mad Max: Fury Road’.
Aktoja e “The Queen’s Gambit” dhe Malcolm janë në lidhje që nga marsi i vitit 2021, dhe përveç disa paraqitjeve elegante (por edhe disi të rralla) në tapetin e kuq, çifti janë mjaft diskret për marrëdhënien e tyre.
Anya foli për Malcolm në fillim të vitit 2022 duke thënë: “Më në fund kam gjetur dikë që do të ulet me kënaqësi në heshtje me mua duke lexuar. Ne jemi në thelb 80 vjeç dhe shtatë në të njëjtën kohë dhe funksionon vërtet mirë.”
Anya Taylor-Joy është një aktore e re e cila u bë tepër e njohur për rolin e saj në serialin ikonë të Netflix, “The Queen’s Gambit”. Ajo ka fituar disa vlerësime, duke përfshirë një çmim ‘Golden Globe’ dhe një ‘Screen Actors Guild Award’, përveç një nominimi për një çmim ‘Primetime Emmy’. Në vitin 2021, ajo u shfaq në listën ‘100 Next’ të revistës Time të “liderëve në zhvillim që po formësojnë të ardhmen”.
