Kim Kardashian është “e turpëruar dhe e shqetësuar” nga veprimet e fundit të ish-bashkëshortit të saj Kanye West pasi u fotografua me pantallona të ulura gjatë një shëtitjeje me varkë në Itali këtë javë.
Ylli i “The Kardashians”, e cila ishte e martuar me fituesin e Grammy nga viti 2014 deri në vitin 2022, thuhet se beson se “diçka nuk është në rregull” me West, i cili aktualisht është duke pushuar me “gruan” e tij Bianca Censori.
Kardashian “nuk e di se si do t’ua shpjegojë të gjitha fëmijëve”, tha një burim për The Sun pasi krijuesi i hitit “Jesus Walks” ekspozoi të pasmet e tij para turistëve në varkat fqinje teksa ngiste një taksi lumi në kanalet e famshme të Venecias.
“Kim ka qenë kaq e shqetësuar për fotot e reja që kanë dalë me Biankën – si do t’ua shpjegojë të gjitha fëmijëve?” tha një i brendshëm për gazetën.
Burimi dukej se po i referohej fotografive të fundit të Kanyet duke ecur zbathur nëpër rrugë me një shishe në dorë, ndërsa Bianca i la pak vend imagjinatës e veshur me një kostum që jepte përshtypje sikur është nudo.
