Shumë prej neshe nuk e besojmë dot ende që po jetojmë në këtë kohë!
Prej muajsh tashmë jemi ndarë nga familjarët, nuk takojmë njerëzit e afërt dhe na mungon liria e mëparëshme.
Për të parandaluar përhapjen e koronavirusit, shtetet kanë marrë masa të rrepta për distancim social, megjithatë këta dy gjyshër nuk kanë duruar dot më gjatë.
Daria dhe Bobby Lucarelli janë dy të moshuar nga Kalifornia, të cilët na kanë emocionuar me gjestin e tyre.
Për të takuar katër nipërit e tyre ata kanë veshur qese të mëdha plastike që u mbulonin gjithë trupin.
Dy gjyshërit jetojnë vetëm pak minuta larg vajzës së tyre, por për më shumë se 1 muaj nuk kishin përqafuar njerëzit e tyre më të dashur.
