Rudina Magjistari zgjodhi ta nisë sezonin e ri televiziv, duke realizuar në hyrje të emisionit sfidën që pushtoi gjithë “Instagram-in” gjatë verës, atë të “Kiki Challenge”. Në spotin hapës të emisionit, shfaqej një makinë e kuqe që drejtohej nga një femër, e cila udhëtoi përreth Shqipërisë dhe në fund mbërriti në destinacion, pikërisht në televizionin “Klan”.
Dhe aty u shfaq edhe moderatorja historike e programit, e cila me buzëqeshjen që e karakterizon, nisi të kërcejë në ritmet e këngës “In My Feeling”. E shoqëruar nga dy balerinë profesionistë, ajo kërcente dhe këndonte shoqëruar me duar, e më pas ja kaloi stafetën balerinave profesioniste. Moderatorja Rudina Magjistari e komentoi kërcimin, si një nisje plot energji dhe me pozitivitet.
