Arjola Demiri e ka shfrytëzuar në mënyrën më të mirë famën që i ka dhënë “Big Brother Vip”. Që pas daljes nga programi ajo ka qëndruar në vëmendjen e publikut, me anë të Instagramit të saj.
Së fundmi, aktorja është kthyer pas në kohë kur ishte vetëm 21 vjeçe. Arjola ka publikuar disa foto nga një shooting që ka bërë asokohe në Turqi.
“Kanë kaluar 16 vite nga ky photo-shooting në Turqi. Vetëm familjarët dhe disa prej miqve të mi i mbajnë mend këto foto dhe këtë Arjolen 21 vjeçare. Më merr malli shumë për atë Arjolën e dikurshme, sepse vitet rrjedhin lumë dhe do doja të kisha të njëjtën freski dhe energji të asaj moshe, por e di që dëshira më e madhe ka qenë të jemë nënë , pas dy muajve nga këto foto kam zbuluar që isha në pritje të ëmbël 🤰🏻me Helgën @hel9a7 👑 time të bukur edhe kur shoh foto të vjetra ndihem shumë krenare për vajzën që isha 🙏🏼,”-shkroi Arjola krahas postimit.
View this post on Instagram
“BBV” i plotësoi aktores edhe dëshirën për të pasur një shtëpi, duke ia dhuruar një të tillë. Më herët e ftuar në një intervistë është pyetur për shtëpinë që mori dhuratë, ku u shpreh:
“E para nuk kam dashur të flas sepse ka pasur shumë zëra. Nuk flitej për asgjë tjetër përveç shtëpisë, filloi të më torturonte kjo gjë. Edhe pa e marrë kontratën kam thënë që e kam marrë sepse nuk ka pasur vend për të dyshuar. Përtej nesh ka pasur me mijëra mesazhe në lidhje me shtëpinë. Tani shtëpia është në ndërtim e kam thënë, edhe kontratën e kam firmosur tashmë. Pres vetëm t’i vendoset një derë dhe të marr çelësat”- tha Arjola në “Pardon My French.”
