Java e dytë e bojkotit, pedagogët sërish në protestë: Nga letra për Ambasadën e SHBA-së dhe Britanisë te pjesëmarrja e ish-deputetes

Pas një jave injorim nga qeveria, pedagogët e universiteteve të Tiranës janë mbledhur përsëri, për të çuar përpara misionin e tyre. Tanimë në javën e dytë të bojkotit, pas replikash e kundër replikash me qeverinë dhe Ministrinë e Arsimit, Sindikata e Punonjësve të Arsimit në vend, është më e vendosur se kurrë në atë që kërkon.

Pedagogët kanë mbushur sot sheshin përpara Universitetit Politeknik në të dytën protestë kombëtare, me qëllim për të vendosur në vend dinjitetin e tyre.

Lexo edhe :

‘Zonja e Pëllumbave’ nga Home Alone, ndërron jetë në moshën 81-vjeçare

18:05 17/07/26

“Kim, zemër… ka njerëz që po vdesin”/ Kim Kardashian poston nga pushimet vetëm pak minuta pas vdekjes së gjyshes së saj, kryqëzohet në rrjet

11:00 17/07/26

Në vijimësi të bojkotit të mësimdhënies, pedagogët iu janë drejtuar me një letër të hapur Ambasadës së SHBA, Britanisë dhe shteteve të BE në vendin tonë, duke i informuar lidhur me protestën që po zhvillojnë.

Kreu i Sindikatës, Sandër Kovaçi, duke lexuar letrën drejtuar institucioneve, u shpreh se qeveria po përpiqet të politizojë protestën me qëllim për të lënë të pazgjidhura kërkesat e tyre. Ai theksoi se “Rama duhet të ndalojë intimidimin dhe të trajtoje me seriozitet kërkesat.”

Ajo që u vu re, është fakti se edhe ish-deputetja e Partisë Socialiste Mimoza Hafizi iu bashkua protestës. Hafizi, e cila është edhe pedagoge në departamentin e Fizikës, u pa në krah të kolegëve të saj në protestë.

Pedagogët kërkojnë rritje page, ndërsa qeveria ka vendosur një rritje deri në 15%. Kjo është e papranueshme për stafin akademik që thekson se rritja duhet të jetë minimalisht sa në Kosovë apo vendet e tjera të rajonit.

KËRKESAT E PEDAGOGËVE:

• Rritja e pagave për pedagogët dhe stafin ndihmës
• Rritja e financimit për kërkimin shkencor Rivendosja e shtesave mbi pagë për ‘Dëshmi shëndeti në punë’
• Rritja e shtesës mbi pagën për vjetërsinë në punë Rritja e pagesës së orëve të ngarkesës suplementare
• Rivlerësimi i orës mësimore, pasi ka zbritje prej 50% të pagesës së orës mësimore si rezultat i mosdiferencimit të orës mësimore të leksionit.
• Rishikimin e tatimit prej 23% mbi pagesën e ngarkesës suplementare
• Të pezullohet deri më 2026 zbatimi i pikës c) të paragrafit të 3, i Kreut III të VKM Nr.112, datë 23.2.2018 për kriteret e marrjes së titullit “Profesor”.
• Të bëhet transparencë mbi buxhetin dhe të ardhurat e universiteteve publike.