Aktorja Zhaklina Dhimojani Blättler është mjaft e njohur për publikun shqiptar pasi ka luajtur në një nga filmat më të pëlqyer shqiptarë “Mimoza Llastica”. Zhaklinë ka qenë në rolin e aktores protagoniste në këtë film, ku ky i fundit ka arritur të rrëmbejë zemrat e të gjithë shqiptarëve.
Por po ta shihni sot nuk do t’a njihni aspak. Ajo shfaqet komplet ndryshe, në një fushë larg aktrimit madje dhe larg vendit të saj, pikërisht në Zvicër ku ajo nisi karrierën e saj si përkthyese e ndërsa sot është mjaft e angazhuar në politikën lokale.
Përgjatë karrierës së saj në Zvicër Zhaklinë ka njohur prokurorin federal Stefan Blättler, më të cilin krijuan një raport që përfundoi me kurorëzimin e këtyre të fundit.
Rikujtojmë që në periudhën kur Covid-19 kishte pushtuar të gjithë vendin aktorja shqiptare ka dhuruar përmes ambasadës shqiptare në Bern disa respiratorë për spitalin universitar “Shefqet Ndroqi”, në ndihmë të të prekurve me koronavirus.
Ambasada e Shqipërisë në Bern i ka shprehur mirënjohje aktores për gjestin e saj human.
Ky akt ka treguar që edhe pse Zhaklinë është larguar që në vitet 90’ nga Shqipëria drejt Zvicrës, ajo sërish nuk resht së ndihmuari vendin e saj në momentet më të vështira.
