Lori Hoxha është një ndër femrat më të komentuar në rrjetet sociale jo vetëm për stilin e saj të veshjes, por edhe për jetën e saj luksoze. Në jo pak raste ajo thumbohet pikërisht për jetën e shtrenjtë që bën, për pushimet luksoze, makinat super të shtrenjta, si dhe veshjet e shtrenjta, të cilat na sjellin edhe trendet më të fundit të modës.
Mirëpo pavarësisht se çfarë flitet për të trashëgimtarja e “Top Channel”me sa duket nuk e vret shumë mendjen dhe për këtë ka parasysh një këshillë të së ëmës, Vjollca Hoxhës.
“5 nga 5 rregullat…nëse nuk do të të shqetësojnë në 5 vjet atëherë nuk ja vlen të harxhosh më shumë se 5 minuta për të mërzitur”, shkruan Lori në një postim në Instastory duke iu referuar këshillës së të ëmës.
Lori na ka treguar gjithmonë se ajo ndan një marrëdhënie shumë të ngushtë me familjen e saj. Në çdo moment mundohet të jetë pranë tyre, mundohet t’i kalojnë pushimet bashkë dhe çdo aktivitet tjetër. Së fundmi ajo ishte me pushime në ishujt Maldive së bashku me motrën e saj Sarën dhe kunatin Ledion Liço.
