Orinda Huta për 2 javë me radhë nuk u shfaq në ekranin e televizionit “Klan” dhe shkak paska qenë Covid-19. Në puntatën e sotme të emisionit “Jo vetëm modë” ajo ka zbuluar se u prek nga koronaviursi para 2 javësh bashkë me gjithë stafin e emisionit, ndaj ju desh që të izolohej.
Ajo u shpreh se i druhej shumë kësaj gjëje që nga muaji mars, por nuk arriti t’i shpëtonte infektimit. Orinda ka shtuar se nuk do ja uronte askujt që ta kalonte, jo për të frikësuar njerëzit, por për t’ju thënë se duhet të bëjnë vërtetë shumë kujdes.
“Dhe ja ku jemi me mungesë prej 2 javësh me speciale të reja. Në fakt arsyeja është një dhe e vetmja. Është asaj që i druhesha më së shumti që prej Marsit dhe po i ruhesha aq shumë që të mos e kaloja Covid-19. Unë bashkë me stafin e Jo Vetëm Modë kemi kaluar tashmë, e kemi kapërcyer këtë virus. Një gjë që nuk do doja kurrë dhe nuk do ia uroja askujt që ta kalonte, kjo jo për të frikësuar gjithsecilin prej jush por për t’ju treguar që duhet të keni shumë kujdes. Kujdes ndaj vetes tuaj, të jeni besimplotë që do e kaloni, dhe sigurisht me ushqimin duke mos neglizhuar absolutisht çdo këshillë të mjekut. Vetëm prej tyre duhet të merrni këshilla, nga askush tjetër. Por kujdes, ushqimi është shumë i rëndësishëm gjatë kapërcimit të kësaj viroze, kësaj sëmundje”, u shpreh Orinda Huta.
