Ai është përfolur shpeshherë për origjinën shqiptare, por së fundmi është prononcuar për herë të parë duke dhënë një mesazh të fuqishëm kundër racizmit.
Në një intervistë pёr revistёn greke “Down Town”, Xristos Mastoras ka treguar se ka lindur nё fshatin Dropull, minoritetin grek qё që prej vitit 1913 i pёrket hapёsirёs shqiptare, dhe nё moshёn 3-vjeçare ёshtё larguar, pas njё sëmundjeje tё rёndё qё kishte kaluar. Qё atёherё jeton me familjen e tij nё Athinё.
“Jam grek nga Epiri i Veriut dhe jam krenar pёr prejardhjen time. Familja më ka mësuar të mos fsheh dhe tё mos vendos në diskutim asnjëherë origjinën time. Besoj se ka ardhur momenti që shteti grek të anashkalojë çdo tabu, njerëzit nuk duhet tё fshehin mё prejardhjen. Nuk është gjë e keqe të jesh shqiptar. Por në Greqi për shumë vite tё ishe shqiptar do tё thoshte të ishe i keq, tё ishe hajdut. Befas fjala shqiptar u kthye në sharje dhe njё shtet i tërë u gjend i stigmatizuar”, ka thënë këngëtari 30-vjeçar.
Xristos u bё i njohur si vokalist i bandёs muzikore “Melisses” nё vitin 2008 dhe qё atёherё duket se suksesi e ndoqi nga pas. Deri tani grupi ka realizuar 3 albume me më shumë se 20 këngë, shumë prej tyre hit-e.
Ai ёshtё edhe pjesё e jurisё nё talent show-n mё tё ri nё Greqi, “Rising Star” nё krah tё emrave shumё tё njohur tё muzikёs greke si Dhespina Vandhi dhe Antonis Remos.
