Karolina e Jugut u përfshi nga reshjet e shumta të shiut ditët e fundit. Dhe duket se Kendall Jenner ka gjetur një mënyrë për të qenë provokuese, duke mbrojtur veten nga shiu.
Modelja 22-vjeçare pozon nudo dhe vetëm me një mushama nga koleksioni i “Chanel” për numrin e fundit të revistës “Harper’s Bazaar”.
Vajza e koverit të muajit shkurt shihet duke pozuar në një karrige ciklamin plastike, ajo qëndron e ulur nudo poshtë veshjes që nuk përshkohet nga uji. Ndërsa uji është hedhur mbi të në mënyrë që të mbulojë pjesët e saj intime.
E veçanta e këtij numri është se intervista zhvillohet nga shoqja e saj modele Cara Delevingne.
Lidhur me pyetjen nëse do të ndryshonte diçka nga jeta që ka bërë gjithmonë në vëmendjen e publikut, Kendall tha:
“Shkolla e lartë mendoj, por nuk e di nëse jam bërë pishman. Kam pasur një fëmijëri normale, ndërsa ika në shkollë deri në klasën e 10-të, para se të mbaroja gjimnazin, nisa të shkollohesha në shtëpi. Nuk ika në Mbrëmjen e Maturës, ishte pas stresuese. Nuk mund të ankohem për asgjë përveç se tani, do të doja të shkoja në “Disneyland” ose një plazh publik. Të shkosh në plazh në paqe do të ishte diçka e bukur. Të mund të takosh njerëz të rinj dhe të mos shqetësohesh”.
Cili është ndryshimi mes të qenit modele tani dhe para 20 viteve?
“Kam folur me disa femra, si Cindy Crawford. E ndjej sikur mediat sociale lidhen me ndryshimin. Por gjërat nuk janë më të lehta tani sesa para mediave sociale. Unë sërish duhet të iki për audicione, të takoj të gjithë fotografët. Nuk kam kaluar ndonjë hap sepse kisha mediat sociale. Nuk punojmë më pak sesa modelet e viteve ’90”.
Burimi: Daily Mail
