North West mund të jetë vetëm 5 vjeç, ama është një talent për botën e modës!
Kim Kardashian ndau me ndjekësit në “Instagram”, disa foto ku shfaqej së bashku me vogëlushen e saj North, pasi kishin realizuar një set fotografik. Në fakt, ishte North ajo që kishte dhënë idenë e fotove dhe e ëma kishte ndjekur udhëzimet e saj.
“Unë dhe shoqja ime e ngushtë. North erdhi të më vizitojë sot në setin fotografik dhe tha që të bënin disa foto së bashku! Unë ndoqa pozat dhe udhëzimet që ajo më dha, këtu janë edhe fotot. Unë kam ëndërruar gjithmonë të kisha një vajzë dhe ajo është thjesht perfekte” – shkruan krahas foton Kim.
Në foto, Kim shfaqet e veshur me një fustan të bardhë të shkurtër, ndërsa North ka zgjedhur një fustan të gjatë në ngjyrë të errët. Ato duken mjaft të lirshme përpara kameras, teksa pozojnë me këmbët zbathur.
