Vajza që i dha emrin nënë Kim Kardashian, North West, feston sot 8-vjetorin e lindjes. Me këtë rast ylli i televizionit i ka bërë një dedikim shumë të ndjerë vajzës së saj. Kim Kardashian ka ndarë në rrjete sociale disa foto që ka realizuar me North, ku nënë e bijë shfaqen shumë të afërta me njëra-tjetrën.
“Vogëlushja ime e parë, North, bën 8 vjeçe sot! North, një ditë ti do të shikosh këto mesazhe të gjitha të printuara për ty në librat që po bëj për ty dhe shpresoj që ta ndjesh dashurinë, sepse ti sjell kaq shumë dashuri dhe lumturi në gjithë jetët tona! Ti je vajza më me stil, njeriu më kreativ, që di ekzkatësisht se çfarë do në jetë! Nuk kam njohur kurrë dikë si ty! Kam zgjedhur këto foto të miat dhe të North pas skenave nga seti për Steven Klein Jackie O, sepse më kujton lidhjen që unë dhe North kemi dhe ai kap gjithmonë emocionet kaq mirë”, shkruan Kim Kardashian në dedikimin për ditëlindjen e North.
View this post on Instagram
Ndërsa nga Kanye West nuk ka bërë asnjë dedikim publik, duke qenë se ai nuk është as shumë aktiv në rrjete sociale.
Kujtojmë se prej muajsh, Kim dhe Kanye po jetojnë të ndarë nga njëri-tjetri. Në muajin shkurt Kim plotësoi kërkesën për divorc nga reperi, së cilës ai ju përgjigj më vonë.
Ndërkohë para disa ditësh, Kim Kardashian tregoi se cila ishte arsyeja e tyre e ndarjes.
“Asnjëherë nuk kam menduar se isha e vetmuar. Gjithmonë kam menduar se isha shumë mirë. Mund të kem thjesht fëmijët e mi dhe lëvizjet e bashkëshortit tim nga vend në tjetrin dhe unë jam në këtë rrugëtim me të. Dhe isha shumë në rregull me këtë gjë.
Por pasi bëra 40 vjeçe këtë vit, kuptova se jo. Nuk e dua një bashkëshort që jeton në një shtet komplet tjetër. Mendova ‘kështu shkojmë më mirë’, por më vonë kjo ishte e trishtueshme për mua. Dhe kjo nuk është ajo që dua”, i ka treguar Kim nënës së saj Kris Jenner.
