Ditën e djeshme këngëtarja Nora Istrefi ka festuar ditëlindjen e saj të 32-të. Mund të themi me plotë gojë që kjo ka qenë një ndër ditëlindjet më të bukura të këngëtares së njohur.
Një festë surprizë e organizuar nga bashkëshorti i saj, Robert Berisha, e ka befasuar Norën.
Sikurse shihet në disa prej postimeve të mikeshës së ngushtë të këngëtares, trajneres Geta Beqa, Nora ka ngelur pa fjalë pasi është futur në lokalin e mbushur me njerëz, të cilët e kanë befasuar duke i kënduar këngën e ditëlindjes.
Gjatë festës shihet se Nora është ngjitur në skenë për të kënduar dhe performuar përkrahë bashkëshortit të saj.
Ndërsa urimi më i bukur që Nora ka marrë në ditën e saj më speciale ka qenë ai nga vajza e saj Renee, e cila i ka kënduar në mënyrën më të ëmbël të mundshme: “Shumë urime për ty”. Renee shfaqet me një kornizë me foton e Norës kur ka qenë shtatzënë me të dhe i këndon mamit .
“Ndihen e bekuar. Urimi më i mirë në jetë nga bebi Renee”, shkruan Nora në përshkrimin e video-s ku vajza e saj shfaqet duke kënduar.
