Një incident i papritur i ka ndodhur reperit të njohur, Noizy-t. Së fundmi, ai ka qenë duke performuar për fansat e tij ku teksa ka kënduar këngën “Alkool”, laptopi i DJ-it ka ngecur.
Mirëpo, Noizy e ka marrë me sportivitet situatën ku ka nisur të qeshë.
“A vjen a vjen a vjen… Mu ka prish laptopi” këndon Noizy teksa ‘deformon’ me humor tekstin e këngës.
“Ka shumë nxehtësi, ju kërkojmë ndjesë. Edhe pak do i gjuajm DJ me bidona.Hë m lila ça bëhet? Ku është Beleci? Oooo Belec”- vijoi Noizy.
Më herët, Noizy dha një intervistë për “Pushime On Top”.
Ai tha ndër të tjera se nuk ka ndërmend që ta lë muzikën tani.
“Besoj se jam disa vite larg largimit nga muzika. Nuk besoj se do e le muzikën ndonjëherë. Gjithmonë do të merrem me muzikë. Nëse s’do jem aktiv nëpër koncerte, do jem aktiv duke prodhuar muzikë për artista të rinj. Do bëj këngë, por mbase koncertet i rralloj. Kur të vijë mosha 50 vjeç normal që edhe mund të shkëputem”, ka thënë më herët reperi.
Më tej, Noizy tregoi nëse vajza e tij do jetë në koncert.
“Nuk jam i sigurt. Me qejf e kam të vijë ta shohë. Mund të jetë me familjen time”,ka thënë reperi.
Jo vetëm kaq, por ai foli edhe për artistë të ndryshëm, ku u ndal edhe te Elvana Gjata.
Ai tha se ka menduar që të bëjë një bashkëpunim me Elvana Gjatën.
“Kemi folur me Elvanën. Noizy i dikurshëm, i 2008-ës, e ka bërë një këngë që quhet “Jena mbretër” edhe është përmendur pak Elvana aty, të cilën e kemi diskutuar dhe i kam thënë që ka qenë thjesht një këngë. Ajo këngë tashmë është himn i çdo diskoje. Unë kam gjithë ato vite karrierë dhe atë këngë akoma duhet ta këndoj. Do doja shumë të mos e kisha përmendur, sepse është një vajzë shumë e mirë, vajzë fantastike”, është shprehur Noizy duke lënë të nënkuptojmë që hatërmbetjet mes tyre tashmë nuk ekzistojnë.
