Mbrëmjen e djeshme në emisionin “Zonë e lirë” ishte i ftuar ish-kryeministri Sali Berisha. Një mbrëmje plot debat, por edhe humor. Përveç diskutimit të çështjeve politike dhe situatës aktuale të vendit Berisha u gjend edhe përballë shkollës kontekstualiste të Tiranës, me të cilët zhvilloi një varg debatesh.
Gjatë bisedës zoti Sali Berisha mori një surprizë shumë të veçantë nga reperi i njohur shqiptar, Noizy. Ai telefonoi Arian Çanin me “videocall” për të përshëndetur Berishën. Noizy në këtë lidhje direkte i dërgoi një përshëndetje me dy gishta ish-kryeministrit, i cili gjithashtu me një buzëqeshje i ktheu edhe atij përshëndetje të ngrohta.
