Ditën e sotme u përhap shumë shpejt lajmi se reperi i njohur Noizy do të fejohej me një vajzë, e cila jeton në Francë.
Sipas Gazetës Shqiptare, Noizy këtë herë ka gjetur dashurinë dhe gjërat janë serioze deri në atë pikë sa familja e reperit të njohur ka udhëtuar drejt shtetit francez për të takuar dhe prezantuar nga afër me familjen e vajzës.
“Rigelsi e ka marrë seriozisht këtë lidhje, duke u dashuruar marrëzisht pas bukuroshes që i ka rrëmbyer zemrën”, – shkruan “Bluetooth”. “Sipas miqve të afërt, kjo lidhje ka disa kohë që ka nisur dhe këngëtari ka preferuar ta mbajë sa më larg nga mediat”.
E sigurisht që reperi nuk mund të mos reagonte rreth këtij lajmi, të cilin ai e ka quajtur një gënjeshtër. Para pak minutash, reperi ka postuar në Instagram një foto të gazetës dhe bashkangjitur shkruan:
“Kush e ka nxjerrë këtë rren ju thafshin duart se më fikët derën!”- duke shtuar edhe disa ikona duke qeshur. Më pas me humor, ai publikoi edhe foton e llokumeve.
