Noizy di si të ndezë atmosferën gjatë performancave të tij. Por këtë gjest e pamë për herë të parë të ndodhte ndonjëherë deri më sot. Ai kujdeset që të japë maksimumin e tij për të ndezur skenën dhe entuziazmuar të pranishmit, por këtë herë reperi kaloi pritshmëritë.
Pas performimit të disa këngëve, Noizy pyeti në sallë se kush kishte ditëlindjen. Menjëherë pas kësaj ai vendosi të festojë ditëlindjet e të pranishmëve në lokal në një mënyrë mjaft të veçantë.
Në videon e publikuan nga “Balkanweb” shihet sesi reperi ka nxjerrë nga çanta një tufë me dollarë, të cilat i ka hedhur në sallë. Të pranishmit kanë shprehur se në çantë mund të kenë qenë më shumë se 1000 dollarë. Duhet thënë që ky gjest ka entuziazmuar publikun.
“Meqë jemi midis Tirone”, ka thënë Noizy pak para se të hidhte lekët. Kënga me të njëjtin titull, “Midis Tirone”, pritet të vij së shpejti si një super hit nga Noizy.
