Mbrëmjen e së mërkurës emisioni “Opinion” trajtoi çështjen e familjeve në nevojë. Vëmendja kryesore u përqendrua te një familje, e cila jeton në fshatin Thanasaj në Lushnjë. Kushtet në të cilat jeton kjo familje ishin me të vërtetë të mjerueshme.
Gjatë këtij emisioni u mblodhën shumë ndihma për t’i rindërtuar shtëpinë kësaj familjeje, mirëpo ajo që ra në sy ishte një mesazh i Noizy-t. Reprei i famshëm ka shkruajtur se është i gatshëm ta ndërtoj ai gjithë shtëpinë.
“Mblidhni çfarë ju kanë premtuar, por do ta ndërtojë unë shtëpinë të gjithën”: thuhej në mesazhin e Noizy-t.
Por duke qenë së ndihmat e ardhura janë duke i plotësuar nevojat për ndërtimin e kësaj shtëpie, Drejtuesi i “Fundjavë Ndryshe” Arbër Hajdari ka sugjeruar një tjetër ide, që të ardhurat e Noizy-t të kalojnë për një familje tjetër sepse të tilla ka shumë në Shqipëri.
Për Noizy-n nuk është hera e parë që ndihmon familje në nevojë. Ai është gjendur pranë edhe tre familjeve të tjera duke ua ndërtuar shtëpinë nga fillimi. Gjithashtu ai ka vënën në dispozicion një fond prej 100 000 eurosh për individë të sëmurë rëndë dhe që nuk kanë mundësi ekonomike që të kurohen. Përveç të tjerave reperi është edhe vizitor i rregullt i shtëpive të fëmijëve, ku çon vazhdimisht ndihma dhe dhurata.
