Rreth dy javë më parë, Tayna lançoi këngën e saj më të re të titulluar “Johnny”. Ky projekt u prit mirë nga publiku dhe tashmë numëron miliona klikime në Youtube.
Mirëpo, duket se Noizy ka pasur një “vërejtje” për këngën e saj. Në InstaStory, reperi ka publikuar një pjesë të këngës së tij ku shprehet “She got the Johnny”, fill pas këngës së Taynës me këtë titull.
Mirëpo, ende nuk është e qartë domethënia e këtij thumbi që është fshirë më pas.
Më herët, në media qarkulloi lajmi se Tayna i kishte kërkuar Noizy-t një bashkëpunim dhe po përflitej se do të lançonin një këngë së bashku, por kjo nuk ndodhi kurrë.
Mbrëmjen e djeshme, Tayna ishte e ftuar në “Shiko kush luan”, ku iu bënë disa lojëra e pyetje të cilat publiku mezi i pret. Njëra nga pyetjet kishte të bënte me këngën “Johnny” dhe thumbin e reperit.
Kur u pyet se çfarë mendimi ka Tayna për këtë thashethem që shkruhet lart e poshtë reperja u shpreh se nuk e ka kopjuar e nuk ka asgjë në veçanti me të. Nga ana tjetër ajo u shpreh se në fakt fjala “Johnny (Xhani)” është një fjalë që përdoret nga shumë persona e jo vetëm prej tij. Andaj si pasojë nuk ka përse të mendohet si një kopjim i Taynës ndaj Noizyt nga publiku shqiptar.
