Ka kaluar rreth një javë që kur Noizy solli “Digital Love”.
Ndryshe nga sa jemi mësuar ta shohim reperin, me këtë projekt ai erdhi ndryshe, duke i kënduar dashurisë. Kënga flet për një histori romantike tipike të ditëve të sotme, të varur nga teknologjia, që është kanali i vetëm i komunikimit, ku edhe përjetohen emocionet dhe ulje-ngritjet e një marrëdhënie.
Noizy ka publikuar ditën e sotme një videoklip që as nuk e prisnim. Kënga titullohet “Party turn up”, (KLIKO) dhe karakterizohet nga ngjyrat verore dhe duket se do i shtohet listës së hiteve.
Megjithatë, ai na kishte premtuar në fillim të verës se kjo do ishte vera e surprizave dhe paska patur të drejtë.
Prive.al raporton se Noizy po sjell një bashkëpunim me S4MM, me të cilin e kemi parë shpesh këtë verë. Dy reperët kanë bashkëpunuar edhe më herët për “La Familia” që u publikua para 2 vitesh dhe “Po thu”, që u lançua vitin që lamë pas dhe të dyja këngët kanë qenë super të sukseshme.
Disa javë më parë, Noizy solli super bashkëpunimin me dy reperët e njohur Gzuz dhe Dutchavelli, të titulluar “All dem talk” që rezultoi një sukses i vërtetë.
Ndërkohë S4MM ka sjellë këtë verë “Ma Cherie” që i vodhi zemrat publikut me dëgjim të parë.
