Keisi i dha disa shenja dhe mesa duket do kemi dasmë më shpejt nga sa menduam! (VIDEO)

Pas shumë polemikave, javë më parë vetëm nëpërmjet një fotoje Stresi dhe Keisi na treguan se janë bashkë dhe të lumtur.

Reperi postoi një Instastory momentin e ëmbël, ku shihet duke folur me partneren e tij me kamër, madje, i bëri edhe një dedikim shumë romantik, duke shkruar:

“Gruaja më e mirë në botë që më bon proud”.

E tashmë që gjërat janë si më parë, ka shumë gjasa që çifti të organizojë edhe ndonjë dasmë, duke qenë se janë bërë burrë e grua më herët.

Sikundër e dini, prej kohësh Keisi na kënaq me video mjaft të bukura në kanalin e saj në You Tube dhe së fundmi ka vendosur tu përgjigjet pyetjeve të ndjekësve të saj.

Ndër të tjera ajo është pyetur nëse ka plan për të bërë tani një dasmë.

Përgjigja? Epo sikundër e dini pandemia nuk e mundëson diçka të tillë, por Keisi shtoi se kur ta bëjë dasmën e saj, do ta bëjë të madhe.

“Aktualisht, prej pandemisë nuk mund ta bëjmë. Por di të them që kur të bëj dasmë, do të bëj një dasmë të madhe. Dua dasmë gjigante,”– tregoi Keisi.

Sakaq, Keisi është pyetur edhe lidhur me raportet që ka me prindërit e Stresit, duke pohuar se me të dy ka marrëdhënie shumë të mira dhe komunikojnë shpesh. Megjithatë, bukuroshja shqiptare veçoi marrëdhënien e saj me babain e reperit.

Unë flas dhe shkoj shumë mirë me mamin e Stresit, por do veçoja babain e tij. Me të flas më mirë, dhe shkoj shumë më mirë me të.

Nuk dihet nëse dasma është në planet e afërta të çiftit por ne jemi shumë kuriozë t’i shohim Keisin me vello dhe Stresin me kostumin e dhëndrit.