Ish-modelja e “Icon Agency”, Oriola Marashi prej kohësh na ka treguar se ka një miqësi të ngushtë me reperin e njohur Noizy. Madje është përfolur se shumë shpejt Oriola do të hedhë në treg këngën e saj të parë në bashkëpunim me grupin “OTR”.
Ndërkohë që të gjithë jemi në pritje të këngës së saj të parë Oriolën e kemi parë më seksi se kurrë në videoklipin më të ri të Noizy-t. Reperi i njohur ka publikuar mbrëmjen e djeshme këngën e tij të re “Toto”, pjesë e videoklipit të së cilës është edhe modelja Oriola Marashi.
“Toto” është një këngë ritmike ku në sy bien si gjithmonë makinat luksoze dhe balerinat super seksi.
“Ngrijeni volumin lart. Ju uroj të gjithëve një verë të bukur më shumë lekë dhe ‘Toto’”, shkruan Noizy krahas videos së publikuar në Instagram.
Pritet që kënga e re e Noizy-t të shndërrohet në një hit veror dhe do ta dëgjojmë në çdo ambient.
