Tërmeti shkatërrues që goditi vendin tonë orët e para të mëngjesit të sotëm, ka shkaktuar të paktën 21 viktima, qindra të plagosur, persona ende nën rrënoja dhe dëme të konsiderueshme materiale.
Pas kësaj data 27 Nëntor është shpallur “Ditë Zie Kombëtare” dhe shkollat janë anuluar.
Ministria e Arsimit, me një urdhër të lëshuar gjatë paradites së sotme, ka vendosur të anulojë procesin mësimor edhe ditën e mërkurë në të gjitha shkollat e vendit, si pasojë e situatës së krijuar nga tërmeti dhe panikut.
Urdhri është firmosur nga ministrja e Arsimit, Besa Shahini.
