Aktori Wang Deshu, i cili ka luajtur në disa filma si “The Forbidden Kingdoën” dhe “Warriors of Heaven and Earth”, rrëmbeu vëmendjen gjatë Javës së Modës në Kinë kur ekspozoi trupin e tij të tonifikuar dhe flokët e gjatë të thinjur.
Ai është 80 vjeç, por nëse do ta pyesnit për këtë, do të thoshte se mosha nuk duhet të përdoret kurrë si një justifikim për t’u dorëzuar.
“Shumë njerëz nisën të më vinin re pas parakalimit në pasarelë…Por a e dini çfarë? Për të arritur këtë ditë, unë jam përgatitur për 60 vjet”.
I lindur në Shenyang , gjyshi seksi u bë një aktor teatral në moshën 24 vjeçare e nisi të mësonte anglisht kur ishte 44 vjeç. Pasi u zhvendos në Pekin, Deshu filloi palestrën e nuk e ktheu më kurrë kokën prapa.
Ai thekson se edhe në vitet tona të arta, ne duhet të vazhdojmë të sfidojmë veten dhe të mos ndalemi nga mendimi se është tepër vonë për të realizuar ëndrrat tona.
“Më besoni, potenciali mund të eksplorohet. Kur mendoni se është tepër vonë, kini kujdes të mos e ktheni në justifikim për t’u dorëzuar. Askush nuk ju mban larg suksesit përveç vetes”.
