Ka mbi 700 milionë iPhone në botë dhe që prej vitit 2011, secili prej tyre ka aplikacionin e njohur si”Siri” një asistente virtuale personale, që mund t’ju ndihmojë të bëni gjithçka nga kontrolli i motit apo pyetjet më qesharake.
Por a kishit menduar ndonjëherë se kush e realizoi zërin e “Siri”-t?
Ajo quhet Susan Bennett, një aktore që tashmë është e suksesshme për zërin e saj.
Por ajo nuk u punësua asnjëherë nga “Apple” dhe nuk u pagua asnjëherë për zërin e saj.
Susan ka treguar se ajo nuk ia kishte idenë, që zëri i saj do të përdorej si “Siri”: “Unë e zbulova se isha Siri, kur “Siri” u prezantua. Disa ish-kolegë më shkruan: “Kemi marrë këtë “iPhone”-in e ri: Je ti ajo?”. Dhe unë isha: “Çfarë?”.
Jo, “Apple” nuk e regjistroi në gjumë Susan-ën. Por Siri u zhvillua nga seksionet e regjistrimit të Susan që kishte bërë me një kompani tjetër.
“Regjistrimet u bënë për një kompani fjalimi duke nisur nga viti 2005. “Apple” i mori të gjithë zërat e Siri-t nga kjo kompani. Ne nuk kemi kontratë me “Apple”, është shprehur më herët ajo për “Cracked”.
Burimi: Cracked
