Detektivja e parë private në vend, Shkënda Lili, ka qenë e ftuar në emisionin “Rreze Dielli” të gazetares, Erjona Rusi dhe moderatorit, Alban Musa. Sot u trajtua një temë mjaft interesante: shqiptarët dhe tradhtia, ku ndër të tjera Shkënda ka treguar edhe të fshehtat e profesionit të saj.
Ajo u shpreh se shqiptarët tradhëtojnë shumë dhe për këtë shpesh herë janë drejtuar në studion e dedektives për të gjetur përgjigje.
“Kur dikush është interesuar për të investiguar dikë në lidhje me tradhtinë bashkëshortore, krijojmë një takim ku tregohet i gjithë historiku. Unë tregoj gjithë kushtet dhe pagesën,dhe nëse biem dakord bëjmë një kontratë. Unë i bëj me dije që kohëzgjatja është 2 javë, por jo gjithmonë ka tradhti”, tregon Shkënda.
“Çështjet që mund të hetohen janë të shumta. Njerëz të humbur, profil biznesi , gjetje adrese, por e rëndësishme është që gjithmonë ruhet privatësia. Detektivët investigojnë vetëm në ambiente publike. Kjo punë mbart një lloj rreziku, ndaj dhe personat që duan ta ndërmarrin këtë profesion duhet të mendohen mirë”, rrëfen detektivja private.
